Þetta er nú sú allra bjartasta og fallegasta ársbyrjun sem ég man eftir, búið að vera með eindæmum milt og notalegt veður alveg frá áramótum. Og ekki horfur á breytingum segja veðurfræðingar. Sem er fínt, það er þá ekki hægt að nota hálku og slabb sem afsökun fyrir hreyfingarleysi. Í dag hljóp ég út á þjóðveg að skógræktarafleggjarann, niður eftir honum framhjá skógræktinni, áfram milli kirkjugarðsins og Jörundarholts niður á Garðagrund beinustu leið heim. Geggjað veður, eins og myndir bera með sér.
 |
| Ég er því miður ekki með hraðamæli á mér þegar ég hleyp, svo ég tók bara mynd af hraðaskilti, ég var pottþétt ekki mikið undir 90 þegar þessi mynd var tekin :) |
 |
| Sólargeislar á bak við klukkuturninn að Görðum, yndislegt alveg hreint! |
Engin ummæli:
Skrifa ummæli